又到暑假，很多乜展物展都陸續開始舉行，打頭陣嘅係香港書展。今晚去了一個優先團，收到網友「依貓」時，我被電子書一頂吸引了，點知去到又係另一回事！因為其中一個展覽，我覺得真係要推薦大家入場認真咁行下。
其實仲有得睇親子區的，但時間實在太早了，無 join 到。一開始就係睇電子書區，唔知係咪希望越大失望越大，其實無咩睇。可能係同場一眾blogger對於電子書嘅研究比書商更深，所以無太大嘅驚喜。最值得去睇嘅部份係「文藝廊」。原來這個展示當代名家作品同珍藏嘅展覽係由上年書展開始搞的，但係點解我唔知有咁正嘅嘢睇架？！今年「文藝廊」邀請咗劉以鬯先生出任「年度文學作家」，表揚劉先生對香港文學的貢獻。
現場展出咗大量劉以鬯先生嘅著作和手稿，較特別嘅仲有劉先生當年用過嘅機票同埋一張啟發佢創作「對倒」嘅錯體郵票。
然後就有季羨林先生嘅展區。當中展出咗極度珍貴，用巴利文寫成嘅貝葉經。我地經過時，工人還正在排列各藝術品，所以幸運地無櫥窗相隔。當然，眼看手勿動，我地都好乖，只拍了幾張相。
現場展出咗大量劉以鬯先生嘅著作和手稿，較特別嘅仲有劉先生當年用過嘅機票同埋一張啟發佢創作「對倒」嘅錯體郵票。
然後就有季羨林先生嘅展區。當中展出咗極度珍貴，用巴利文寫成嘅貝葉經。我地經過時，工人還正在排列各藝術品，所以幸運地無櫥窗相隔。當然，眼看手勿動，我地都好乖，只拍了幾張相。
現場仲有一個昆曲戲服展，同樣地參觀時都係未裝櫥窗，我地可以較近距離欣賞幾套價值連城嘅「藝術品」。
文藝廊入面其實仲有好多嘢睇架，仲有唔同嘅講座，不過等你地自己去睇下行下啦！
