法拉利發表F1新戰車「F10」

一如過往，法拉利都係第一支車隊發表新一季的戰車。今年佢地第一次將發佈會於網上www.ferrari.com 直播，之後麥拿倫也會採用相同方法做發佈會。你睇唔到直播咩？我都係，因為太多人關注每架 F1 戰車的新look，三百萬個visitor 令網站不勝負苛，一眾 fans 大失所望。不過車照出，會照開，唯有之後再睇番D news 啦。

在用色方面，由於阿朗素的加盟，其忠實fans 西班牙銀行「Santander」 成為贊助商，車身多了一些白色。尾翼亦都唔再係 Marlboro 的 barcode，front wing 亦俾 Santander 霸埋。

跟住由車頭睇到去車尾。首先Front wing 有少少抄左上季BrawnGP，尤其係endplates 果部份。車鼻亦高左少少，可以令更多空氣進入個 Double-decker Diffuser。車鼻的另一明顯改動就係上年由紅牛Adrian Newey 所設計 - 兩邊係比中間高D的車鼻(即係車鼻上面唔係平的，係「U」型，參考右面圖四)，咁可以令空氣更有效更smooth 咁去到車尾。

Sidepots 今年無好似上年咁中間突然有一部份向下斜，好似「V」字咁。現在反而有少少好似吹漲左咁，應該係因為要將冷卻器放在更好的位置。

車尾就無乜特別，照舊係有Double-decker Diffuser，另外油箱加大左(今年比賽中途唔可以入油)。

為左解決「孭重油」嘅問題，今年加長左個軸距(加左約1500mm)，令到車身前後比重可分佈得更好。問題來了，長軸距以前試過，明顯架車唔夠靈活，今年唔知會唔會有相同問題。

引擎係2.4公升V8（90度夾角），由於賽會一早已經禁止引擎開發，無變過。唯有在排氣喉着手，由於今年無KERS，所以便可重新設計排氣系統，令其擁有更好的排氣效率。





Short URL: http://goo.gl/LRu0